Боловсрол Соёл Шинжлэх Ухааны Яамны дэмжлэгтэйгээр хэрэгжиж буй нээлттэй боловсролын арга хэлбэр, Хан Академийн дэлхийн түүхийн видео хичээлийн сургалт зохион байгууллаа

                                                   

Боловсрол Соёл Шинжлэх Ухааны Яамны дэмжлэгтэйгээр хэрэгжиж буй
нээлттэй боловсролын арга хэлбэр, Хан Академийн дэлхийн түүхийн видео хичээлийн сургалт
 зохион байгууллаа.

Боловсрол Соёл Шинжлэх Ухааны Яамны дэмжлэгтэйгээр хэрэгжүүлж буй төслийн хүрээнд  Нээлттэй Мэдлэг Боловсролын Сангаас ерөнхий боловсролын сургуулийн сургагч багш нарт зориулж, " Нээлттэй боловсролын арга хэлбэр, Хан Академийн дэлхийн түүхийн видео хичээлүүдийг сургалтад ашиглах нь" сэдэвт сургалтыг 2014 оны 12 дугаар сарын 22-ны өдөр зохион байгууллаа. Уг сургалтад ЕБС-иудын түүхийн багш, Нийслэлийн боловсролын газар, Боловсролын хүрээлэнгийн салбар хариуцсан мэргэжилтэнүүд, Багшийн мэргэжил дээшлүүлэх институтын сургагч багш нараас бүрдсэн 40 орчим хүн оролцлоо. Сургалтад ирсэн багш нар монгол хэл дээр дэлхийн түүхийн цахим хичээлийг сурагч, бие даан суралцагсдад хэрхэн хүргэх, сургалтын хөтөлбөртэйгээ хэрхэн хослуулж ажиллан, сурагчдын бие даан суралцахад яаж уялдуулах талаар мэдлэгээ баяжуулж, нээлттэй боловсролын сэдвээр санал бодлоо хуваалцлаа.

Дэлхий даяар хамгийн өндөр хандалт, ашиглалттай, үнэ төлбөргүй, онлайн, нээлттэй сургалт болох  АНУ-ын Хан Академийн ерөнхий боловсролын сургуулийн сургалтын математик, дэлхийн түүх, биологийн  хичээлүүдийг Боловсрол Шинжлэх Ухааны Яамнаас санхүүжүүлэн Нээлттэй Мэдлэг Боловсролын Сангийн баг, багш нарын баг бүрэлдэхүүнтэйгээр монгол хэлнээ орчуулан ажиллаж байна.  Энэ удаагийн сургалтаар нээлттэй боловсрол, Хан Академийн дэлхийн түүхийн видео хичээлийн тусламжтайгаар сурагцагсдыг танхимаас олж авсан мэдлэгээ хэрхэн сэргээн баяжуулж, сургалтын нэмэлт хэрэглэгдэхүүнээр хэрхэн ашиглах сэдвээр явагдаж багш нар санал бодолоо солилцлоо.

Сургалтыг БСШУЯны Cуурь, бүрэн дунд боловсролын хэлтсийн ахлах мэргэжилтэн  Р.Балжинням нээж  уг үйл ажиллагаа, санхүүжилт, дэмжлэгийн талаар танилцуулснаар сургалт эхэлж, төсөл дэхь багш нарын оролцооны талаар Нээлттэй Мэдлэг Боловсролын Сангийн гүйцэтгэх захирал Б.Бурмаа танилцуулав. Сургалтыг удирдан явуулсан Нээлттэй Мэдлэг Боловсроын Сангийн түүхийн багийн ахлагч, түүхийн багш Н.Нарантуяа багш нарын ажлыг хөнгөвчлөх, сурагчдын идэвхийг нэмэгдүүлэхэд видео хичээлүүдийг хэрхэн үр дүнтэйгээр хэрэглэж болох талаар ярьж сурагчдын дунд явуулсан судалгааны сонирхолтой үр дүнг танилцуулав. Судалгааны дүнгээс харахад сурагчдыг бие даан суралцах, өөрөө өөрийгөө хөгжүүлэх боломж, арга зүйгээр хангах шаардлага их байна. Сургалтад оролцсон арга зүйч багш нар “XXI зууны цаг үеийн шаардлагатай нийцсэн асуудлыг хөндсөн сайн сургалт боллоо” хэмээн дүгнэж  нээлттэй боловсролын талаар ярилцан бусадтайгаа санал бодлоо хуваалцлаа. Түүнчлэн багш нар видео хичээлүүдийг сургалтад хэрхэн ашиглаж болох, хэрхэн сайжруулах талаар өөрсдийн саналыг ч мөн хэлсэн байна. 

Сургалтад идэвхтэй оролцсон зарим багш нарт Салман Ханы нээлттэй боловсролын талаарх монгол хэл дээр орчуулагчдсан “НЭГ Дэлхийн сургууль” номыг бэлэглэлээ. 

Хан Академийг үүсгэн байгуулагч Салман Ханы нээлттэй боловсролын талаар өгүүлсэн уг номонд Сал Хан анх удаа ирээдүйн боловсролын талаарх радикал үзэл бодлоо илэрхийлсэн төдийгүй өөрийн гайхалтай түүхийг өгүүлсэн юм. Уг номын талаар Микрософт корпорацийн үүсгэн байгуулагч Билл Гэйтс "Бусад хүмүүсийн адил эдгээр гайхалтай хэрэгслийг хүүхдийнхээ хамт хэрэглэж байж л Салман Хан болон Хан Академийн талаар мэдэж авсан. Технологи хэрхэн боловсролын үндсээр нь өөрчлөн талаар Ханы үзэл санаа эрч хүчтэй тархаж байна. Технологи сургалт хоёрыг нэгэтгэх тал дээр тэр үнэхээр анхдагч нь. Энэ номоор дамжуулан шинийг нээн илрүүлэгч энэ шинэчлэгчийн талаар бүр олон хүн мэдэж авах болсонд би туйлын баяртай байна" хэмээжээ.

Боловсрол Шинжлэх Ухааны Яамны дэмжлэгтэйгээр нээлттэй боловсролын сургалт зохион байгууллаа

Боловсрол Шинжлэх Ухааны Яамны дэмжлэгтэйгээр хэрэгжүүлж буй төслийн хүрээнд  Нээлттэй Мэдлэг Боловсролын Сангаас ерөнхий боловсролын сургуулийн багш нарт зориулж, "Нээлттэй боловсролын Хан Академийн математикийн видео хичээлүүдийг сургалтад ашиглах нь" сэдэвт сургалтыг 2014 оны 11 дүгээр сар 18-ны өдөр зохион байгууллаа. Уг сургалтад 55 орчим ЕБС-иудын математикийн багш, багш нарын мэргэжил дээшлүүлэх институтын сургагч багш нарыг хамруулж,  монгол хэл дээр хөрвүүлсэн дунд, ахлах ангийн математикийн цахим хичээлийг сурагч, бие даан суралцагсдад хэрхэн хүргэх, сургалтын хөтөлбөртэйгээ хэрхэн хослуулж ажиллан, сурагчдын бие даан суралцахад яаж уялдуулах талаар мэдлэгээ баяжуулж, нээлттэй боловсролын сэдвээр санал бодлоо хуваалцлаа.

Дэлхий даяар хамгийн өндөр хандалт, ашиглалттай, үнэ төлбөргүй, онлайн, нээлттэй сургалт болох  АНУ-ын Хан Академийн ерөнхий боловсролын сургуулийн сургалтын математик, дэлхийн түүх, биологийн  хичээлүүдийг Боловсрол Шинжлэх Ухааны Яамнаас санхүүжүүлэн Нээлттэй Мэдлэг Боловсролын Сангийн баг, багш нарын баг бүрэлдэхүүнтэйгээр монгол хэлнээ орчуулан ажиллаж байна.  Энэ удаагийн сургалтаар нээлттэй боловсрол, Хан Академийн дунд ахлах ангийн видео хичээлийн тусламжтайгаар сурагцагсдыг танхимаас олж авсан мэдлэгээ хэрхэн сэргээн баяжуулж, сургалтын нэмэлт хэрэглэгдэхүүнээр хэрхэн ашиглах сэдвээр явагдсан.

Нээлттэй Мэдлэг Боловсролын Сангийн удирдах зөвлөлийн дарга Д.Энхбат нээж  уг үйл төслийн үйл ажиллагаа, санхүүжилт, дэмжлэгийн талаар танилцуулснаар сургалт эхэлж, төсөл дахь багш нарын оролцооны талаар Нээлттэй Мэдлэг Боловсролын Сангийн гүйцэтгэх захирал Б.Бурмаа танилцуулж, МУИС-ийн Шинжлэх Ухааны Сургуулийн математикийн тэнхимийн багш А.Амарзаяа, Ц.Навчаа  нар сургалтыг зохион байгууллаа. Сургалтад идэвхтэй оролцсон зарим багш нарт Салман Ханы нээлттэй боловсролын талаарх монгол хэл дээр орчуулагчдсан номыг бэлэглэлээ.

Хан Академийн хичээлүүдийн үргэлжлэх хугацаа  3-15 минут бөгөөд математик, байгалийн ухаан, хими, биологи, эрүүл мэнд, мэдээллийн технологи, хүмүүнлэг, түүх,  SAT, GMAT шалгалтанд бэлтгэх зэрэг ерөнхий боловсролын сургалтын сэдвүүдийг хамруулсан 6000 орчим видео хичээлүүдтэй. Хан академийн онлайн, нээлттэй сургалт нь видео хичээлээс бүрдсэн мэдээллийн сан төдий зүйл биш сургалтын агуулга, технологи, арга зүй, үнэлгээг бүхэлд нь хамарсан сургалтын бүрэн системийг бий болгосон.  Хан академийн онлайн, нээлттэй сургалт нь суралцагсдад тухайн хичээлийн шинжлэх ухааны ойлголтыг таниулж, хийсвэр мэдлэгтэй болгоход биш түүний учир шалтгааныг ухаарч ойлгон төвөггүйгээр эзэмшин суралцах, бүтээж суралцах арга чадвартай болгож, ойлгосноо хэрэглэх, ашиглах бодитой ур чадвартай болгож байна. Мөн суралцагчыг өөрийгээ үнэлж, ахиц, өөрчлөлтөө хянаж, сургалтыг өөрийн боломждоо нийцүүлэн системтэйгээр шатлан суралцаж, харьцангуй богино хугацаанд бодитой чадвартай, суралцах арга барилтай, бүтээлч сэтгэлгээтэй болох юм.

Хан Академийг үүсгэн байгуулагч Салман Ханы нээлттэй боловсролын талаар өгүүлсэн "Нэг Дэлхийн Сургууль" монгол хэлнээ орчуулагдан гаргасан уг номонд Сал Хан анх удаа ирээдүйн боловсролын талаарх радикал үзэл бодлоо илэрхийлсэн төдийгүй өөрийн гайхалтай түүхийг өгүүлсэн юм. Уг номын талаар Микрософт корпорацийн үүсгэн байгуулагч Билл Гэйтс "Бусад хүмүүсийн адил эдгээр гайхалтай хэрэгслийг хүүхдийнхээ хамт хэрэглэж байж л Салман Хан болон Хан Академийн талаар мэдэж авсан. Технологи хэрхэн боловсролын үндсээр нь өөрчлөн талаар Ханы үзэл санаа эрч хүчтэй тархаж байна. Технологи сургалт хоёрыг нэгэтгэх тал дээр тэр үнэхээр анхдагч нь. Энэ номоор дамжуулан шинийг нээн илрүүлэгч энэ шинэчлэгчийн талаар бүр олон хүн мэдэж авах болсонд би туйлын баяртай байна" хэмээжээ.

Боловсролын Тойм мэдээ. 4

Хан Академи Монголд Хан Академийн хичээлүүд Монгол хэлнээ Хан Академийн онлайн видео хичээлийн сургалтын арга зүй, агуулга, суралцагчдад хүрч байгаа нь уламжлалт танхимын сургалтын арга зүйгээс шинэлэг, суралцагчдын судлагдахууныг бие дааж ойлгох, танхимаас олж авсан мэдлэгээ сэргээж баяжуулах, сургалтын нэмэлт хэрэглэгдэхүүнээр хэрэглэхэд үр дүнтэй байгаа нь  АНУ төдийгүй дэлхийн 24 улс ач холбогдлыг нь үнэлэн, эх хэл рүүгээ орчуулж байна. Нээлттэй Мэдлэг Боловсролын Сангаас дэлхийн түвшний боловсролыг хүн бүрт үнэгүй түгээж буй Хан Академийн видео хичээлүүдээс эхний ээлжинд математик, түүх, биологийн хэсгийн видео хичээлүүдийг орчуулж эхлээд байна. Бид цаашид Хан Академийн видео хичээлүүдийг багц болгон та бүхэнд хүргэж байх болно. Танхимын  уламжлалт аргаар багшаас олж авсан мэдлэгээ сэргээн баяжуулж, ойлгоогүй судлагдахуунаа онлайн видео хичээлүүдийн тусламжтайгаар давтан үзсэнээр сурагчдын хичээлийн хоцрогдол, мэдлэгийн хүрээ тэлж, бие даах чадвар сайжрах сайн талтай.  Тухайн суралцагч видео хичээлийг үзэж судлан өөрийн мэдлэгээ баяжуулж чадсан эсэхээ үнэлэх үнэлгээний системтэй. Багш төдийгүй эцэг эхчүүд хүүхдийнхээ хичээлийн явцыг давхар хянаж аль хичээлийг сайн мэдэж байгаа эсхүл аль хичээлд нэмэлт сургалт шаардлагатайг мэдэх боломжтой юм.  Хан Академийн хичээлүүдийн үргэлжлэх хугацаа  3-15 минут бөгөөд математик, байгалийн ухаан, хими, биологи, эрүүл мэнд, мэдээллийн технологи, хүмүүнлэг, түүх,  SAT, GMAT шалгалтанд бэлтгэх зэрэг ерөнхий боловсролын сургалтын сэдвүүдийг хамруулсан 5000 орчим видео хичээлүүдтэй. Хан Академийн үндэслэгч Салман Ханы НЭГ Дэлхийн Сургууль номын Сургахуйг Сурахуй бүлгийн хэсгээс... "...Боловсролын талаарх мэргэжлийн онолчид олон жилийн өмнө суралцагчдын анхаарал төвлөрүүлэх хугацаа нь 10-18 минутаар хязгаарлагддаг гэдгийг тогтоожээ. Олонд алдартай “Сургах болон сурахуйн үндэсний хэлэлцүүлэг” сэтгүүлд Индиана Их сургуулийн хоёр профессор Жоан Миддендорф, Алан Калиш нар энгийн нэг хичээлийн үеэр оюутны анхаарал хэрхэн нэмэгдэж, буурдаг талаар гайхалтай нарийвчлан тайлбарласан өгүүллээ 1996 онд нийтлүүлсэн юм. Уг судалгаа нь коллежийн оюутнуудын анхаарал төвлөрсөн үед мөн мэдээж мессэж, твиттерийн үеэс өмнө хийгдсэнийг онцлох хэрэгтэй. Ер нь залуу хүний анхаарлаа төвлөрүүлэх хугацаа өдгөө илүү багассан тэгээд ч тэд сатаарах зүйл ихтэй болсон. Ямар ч гэсэн хичээлийн хугацааг минут бүрээр багасгах, оюутнууд 10-18 минут анхаарлаа хандуулах зүйлд шамдан орохын тулд 3-5 минут хэрэгтэй хэмээн профессорууд тогтоогоод байна. Дараа нь ямар ч сайн багш, сэтгэл татсан ямар ч сайхан сэдэв байгаад тэд өөр зүйлд л сатаарах болно. Анхаарал эргэж ирэх боловч маш богино хугацааных байх бөгөөд стандарт хичээлийн төгсгөлийн гурав дөрвөн минутад бүр дорддог. Бүр эртний, 1985 оны судалгаанд оюутнууд баримтыг эргэн санахдаа хэр зэрэг болохыг 20 минутын илтгэлээр туршиж үзжээ. Оноог гаргахын тулд судлаачид илтгэлийг тав таван минутаар дөрвөн хэсэгт хуваасан аж. Та магадгүй илтгэлийн хамгийн сүүлийн хэсгийг, хамгийн сүүлд сонссон бүхнээ илүү сайн санана гэж бодох байх, гэтэл үнэндээ үр дүн тэс өөр гарчээ. Хичээлийн эхэнд сонссон бүхнээ оюутнууд хамаагүй сайн санаж байсан нь тогтоогджээ..." Хүний тархи яг булчин шиг хэдий чинээ ажиллуулж завгүй байлгана, төдий чинээ хөгждөг # ТА БҮХНИЙГ СУРЧ ЧАДНА" Судалгаагаар хүний тархи яг булчин шиг булчин шөрмөснөөс илүү уян хатан чанартай төдийгүй “дасгал хийж чийрэгжихийг” биенээсээ илүү хүсдэгийг тогтоожээ. Хэдий чинээ дасгал сургуулилт хийж ачааллах тусам төдий хэрээр хөгждөг байна. Тархины мэдрэлийн холбоосууд дасгал ажлыг алдаагүй зөв хийх тусам бус харин алдаа гаргаж учрыг нь олох гэж оролдох бүрт илүү сайн холбогддог аж. Иймээс бид тархиа хөгжүүлэхийн тулд мэдэхгүй чадахгүй зүйлээ сурч мэдэхээр хичээн оролцох хэрэгтэй. Хүн бүр цэцэн мэргэн төрдөггүй, харин хүн өөрийгөө цэцэн мэргэн болгож хөгжүүлдэг. Алберт Эйнштэйн хүртэл бидний л адил цагаан толгой үзэж байсан. Гол нь бид цаг ямагт суралцаж тархиа хөгжүүлж байх хэрэгтэй. Хүн бүрийг өөрийн хүссэн зүйлээ сурч мэдлэгээ тэлэхэд тусалж амжилтаа ахиулах алхам бүрт дэмжих тулгуур нь Хан Академи болж чадна. #Та бүхнийг сурч чадна. НЭГ Дэлхийн Сургууль ном Монгол хэл дээр орчуулагдлаа Нээлттэй Мэдлэг Боловсролын Сангаас Хан Академийг үүсгэн байгуулагч Салман Ханы боловсролын талаар өгүүлсэн "Нэг Дэлхийн Сургууль" номыг орчуулан гаргалаа. Энэхүү номонд Сал Хан анх удаа ирээдүйн боловсролын талаарх радикал үзэл бодлоо илэрхийлсэн төдийгүй өөрийн гайхалтай түүхийг өгүүлсэн юм. Уг номын талаар Микрософт корпорацийн үүсгэн байгуулагч БИЛЛ ГЕЙТС "Бусад хүмүүсийн адил эдгээр гайхалтай хэрэгслийг хүүхдийнхээ хамт хэрэглэж байж л Салман Хан болон Хан Академийн талаар мэдэж авсан. Технологи хэрхэн боловсролын үндсээр нь өөрчлөн талаар Ханы үзэл санаа эрч хүчтэй тархаж байна. Технологи сургалт хоёрыг нэгэтгэх тал дээр тэр үнэхээр анхдагч нь. Энэ номоор дамжуулан шинийг нээн илрүүлэгч энэ шинэчлэгчийн талаар бүр олон хүн мэдэж авах болсонд би туйлын баяртай байна" хэмээжээ. НЭГ Дэлхийн Сургууль номын “Хэрэгцээ хангахаа байсан загвар” хоёрдугаар бүлгийн "Тогтсон хэв загварт тавих асуулт" нэгдүгээр хэсгээс... "...Ойлгомжгүй байдал, явцуу боловсрол хоёр нийлж дутагдалтай, дууриамал зүйлсийн үндсийг таригч болдог бөгөөд хуучирч тогтсон амьдралын хэв загвар түүнийг байнга нэмэгдүүлж байдаг. Мэйри Астэлл ... Нэгэнт тогтсон амьдрах дадал, зуршлын ноёрхол хүн төрөлхтний хөгжил дэвшилд байнгын саад тотгор үзүүлж ирсэн байдаг. Жон Стюарт Милл Энгийн гэдэг бол дасаж дадсанаараа байхыг өгүүлнэ. Нэгэн хэвээр дадаж хэвшсэн хүний үйлдэл, тийн үүсч тогтсон байгууламжууд угаасаа л байж ирсэн, яах ч аргагүй бүр анхнаасаа нэг мөр шийдчихсэн мэт ойлгогдох нь хүмүүний салшгүй нэгэн мөн чанарыг илтгэж буй мэт. Хэдийгээр хий хоосон ч энэ мэдрэмж балар эртнээс хүний үйлдэл болон нэгэнт тогтсон системийг урт удаан хугацаанд тогтоон барьж, болж бүтэхгүй нь ил тодорхой болчихоод байлаа ч түүнийг амьдруулах гол сэжим нь болсоор иржээ. Бидний ихэнхийн туулж өнгөрүүлснээсээ мэдэж авснаар бол энэ яриангүй боловсролын системийн нөхцөл байдал мөн. Үүнийг анзаарахгүй өнгөрч болохгүй, чухал хүчин зүйлд тооцох учиртай. Бидний соёлын бүрэн цогц байдалд хамаарах бас нэгэн хэлбэрээр агуулагдаж буй түүнгүйгээр хүмүүс хорвоо ертөнцийг төсөөлөхийн аргагүй бөгөөд тийнхүү төсөөлөхөөс ч тэдэнд аймаар санагдах ажээ. Хэрэв бид харагдаж буй чин зорилгодоо хүрч боловсролын системийг утга учиртай өөрчлөхийг хүсвэл үнэхээр хичээллэх ба сурах хоёрыг өнөөгийн ертөнц хаа байгаа тэр газарт дөхүүлэн авчирч дөнгөвөл боловсролын өнөөг хүртэлхи тогтож хэвшсэн хөдлөшгүй нэг загвар үнэндээ зайлшгүй зүйл биш юм байна гэдгийг хамгийн эхэнд ойлгох болно. Энэ бол мэдээж хүний хөдөлмөр. Тодорхой арга замыг тэр бидэнд хөгжүүлж өгсөн ч бас бусад өөр арга замууд боломжтой байж. Өдгөө бид бүхэн нандигнан дээдлээд байгаа тогтолцооны хэсгүүд жишээ нь танхимын хичээлийн хугацаа эсвэл “бага” “ахлах” гэж хуваагаад байгаа сургуульд суралцах жилүүдийг анх сайн дураар, бүр санаанд оромгүй тохиолдлоор ч гаргаж байсан үзэгдлүүд ажээ. Одоогийн хуучинсаг хэмээн үзэгдэх болсон зүйлсийг тухайн үед харин эсрэгээр хэт туйлшрал явагдаж байна гэж үздэг байж... " Хан Академийн хичээлийг сургалтандаа нэвтрүүлсэн Марсинг бага сургууль “Өмнө сурч чадахгүй нь хэмээн шантарч сурах миний хийх зүйл биш юм байна гэж бодож байсан хүүхдүүд одоо өөрсдийн гэсэн сурах арга барилтай болж баяр хөөртэйгээр сурч байгааг харах үнэхээр сайхан байна. Тэдний байдал нүдэн дээр минь сайжирч байна” Марсинг бага сургуулийн математикийн багш Жон Баренберг Бага ангийн матетатикийн хөтөлбөрийг ашиглаж байгаа АНУ-ын Марсинг бага сургууль АНУ-ын Айдахо мужийн Марсинг бага сургууль Хан Академийн видео хичээлүүдийг сургалтандаа ашигладаг маш олон сургуулийн нэг. Тус муж боловсролын салбарт тэргүүлэх муж болох зорилт тавин ажиллаж Don't Fail Idaho хөтөлбөр хэрэгжүүлж эхлээд удаагүй байгаа аж. Марсинг бага сургуулийн сурагчид суралтын хөтөлбөртөө Хан Академийн математикийн хичээлүүдийг ашигладаг бөгөөд сурагч бүр өөрсдийн бүртгэлтэй болж тухайн хичээлд харгалзах видеонуудыг үзэж сорил бөглөдөг. Хэрэв сурагчид мэдэхгүй асуулт бодлого гарвал сорил бүрийн доор тайлбар хичээл нь бэлэн байдаг тул бага ангийн бяцхан хүүхдүүдэд хэрэглэхэд маш хялбар хэмээн тус сургуулийн бага ангийн багш Жон Баренберг ярьлаа. Багш хүүхдүүдийн хичээлийн явцыг хянаж зөвлөгөө, тайлбар өгч хэрэгтэй үед нь зааж өгдөг. Марсинг бага сургууль сурагчдынхаа математикийн хичээлийг сайжруулахад Хан Академийн видеонуудыг ашиглаж байгаа нь хүүхэд багш аль алинд нь шинэ бөгөөд үр дүнтэй арга болжээ. Шинэ зүйлийг туршиж үзэх нь ямагт шинэ мэдлэг, мэдээлэл болж байдаг билээ. Харилцах хаяг: Утас: + 976.329688 Имэйл: project@one.mn Вэб: www.one.mn Twitter: ONEMongolia Google+: ONEMongolia  Facebook: ONEMongolia НЭЭЛТТЭЙ МЭДЛЭГ БОЛОВСРОЛЫН САН

Гүүгэл Боловсролын Онлайн багц шинэчлэгдэж АНГИТАЙ боллоо

Цахим анги ХЯЛБАР, ХУРДАН, НЭЭЛТТЭЙ

ЭНД дарж Гүүгэл Ангийн танилцуулга үзнэ үү.

Гүүгэл Анги (Google Classroom) нь багш нарын ажлыг хөнгөвчлөх, даалгавар, бие даалтыг цаасаар авдаг явдлыг багасгах зорилгоор гаргасан Боловсролын онлайн багцын шинэ бүтээгдэхүүн юм. Гүүгэл Анги нь (Google Classroom) Гүүгэл Боловсролын Онлайн багцыг ашигладаг сургууль, багш, сурагч бүрт нээлттэй. 

Хэрхэн ашиглах вэ?

Сургуулийн админ Гүүгэл Ангиийг удирдлагын панелаас идэвхижүүлснээр багш, сурагчид ашиглах боломжтой болно.

Багш нар https://classroom.google.com/ хаягаар орж өөрийн ангийг үүсгэх ба анги тус бүрт харгалзах код автоматаар үүснэ. Багш нар сурагчдыг 2 аргаар ангидаа нэмнэ. Сурагчдын нэрсийг өөрийн бүртгэлээс шууд нэмж болох ба эсвэл ангийн код бүхий урилга илгээж болно.

Харин сурагчид багшийн илгээсэн урилгаар дамжин ангид орно. Мөн харгалзах ангийн кодыг оруулж Гүүгэл Ангид нэгдэж болно. Гүүгэлийн Боловсролын Онлайн багцын бусад бүтээгдэхүүний адил Гүүгэл Анги ҮНЭ ТӨЛБӨГҮЙ.
Гүүгэл Анги зөвхөн Chrome бус бусад бүх браузер дээр ажиллана. Та Chrome, Firefox®, Internet Explorer®, Safari® гэх мэт суурин компьютер, таблет, гар утсанд зориулсан браузеруудаас сонгон ашиглаарай.

Гүүгэл Анги (Google Classroom) ийг ашигласнаар...

Багш сурагчид ашиглахад энгийн хялбар. Гэрийн даалгавар, бие даалт матералуудыг цаасаар хураадаг уламжлалт байдлыг өөрчилж цахимаар авч дүгнэх нь цаг хэмнэхээс гадна багшийн ажлыг хөнгөвчилнө. Багш сурагчдын гэрийн даалгавар бусад материалуудыг ирсэн даруйд засч дүнэх боломжтой.

Сурагчид Гэрийн даалгаварын буланд байгаа бүх даалгаварыг жагсаалт хэлбэрээр харах боломжтой ба ангийн ажлын гарын авлага бусад судлах материалуудыг татан авч болно.  

Түүнчлэн Гүүгэл Анги багш нарт онлайн хурал хийх боломжийг олгодог бөгөөд багш сурагчид хурлын үеэр файл хуваалцах давуу талтай.

Гүүгэл Ангид үүсгэсэн ангиууд үүссэн дарааллаар харагдана. Харин багшийн нэрийг нэмж оруулах шаардлаггүй бөгөөд ангийн багшийн нэр сурагчдын хэсэгт автоматаар харагдана. Бүх материалууд Гүүгэл Драйвт хадгаладаж Classroom гэсэн нэртэй хавтас үүсдэг. Харин хавтаст байгаа материалыг уусгтах эсвэл өөрчилвөл Ангид байгаа мэдээлэл хамт өөрчлөгддөх болохыг анхаараарай.  

Гүүгэл Аппс боловсролын онлайн багцыг хэрхэн холбуулах вэ?

Гүүгл ашиглан гэрийн даалгавраа хялбархан хийцгээе

Google Docs 

Google Docs ашиглан багш сурагчид 

гэрийн даалгавраа хялбархан хийх арга

Гүүгл сургалтын онлайн багцын хэрэглээ дээд боловсролд (Google Apps for Education)

          Гүүгл сургалтын онлайн багцын хэрэглээг         нэвтрүүлсэн сургуулиудын туршлагаас
(Google Apps for Education)

                                                      

 

                 Мичиганы Их сургууль 

    “Гүүгл Корпарацийн боловсролын онлайн багцыг Мичиганы Их сургуулийнхан сургуульдаа нэвтрүүлснээр сургалтын хүртээмжийг дээшлүүлж багш оюутнуудын суралцах, сургахуй, судалгааны боломжыг сайжруулаад зогсохгүй кампусын хүрээнд хамтран ажиллах идэвхи оролцоог хөгжүүлсэн алхам болно” 
                                              Гүүгл Корпорацын Бүтээгдэхүүн                               Удирдлагын дэд ерөнхийлөгч Дэйв Жирауд 

  Мичиганы Их сургууль кампусынаа хүрээнд технологийн хэрэглээг сайжруулах зорилготой “NextGen Michigan” нэртэй мэдээллийн технологийн шинэ стратеги нэвтрүүлсэн байна. Сургуулийн захиргаанаас Гүүгл Боловсролын онлайн багцыг багш, оюутан нэг бүрчлэн хамрагдаж чадах хэрэглэгдэхүүнээр сонгосон шалтгаан нь хаанаас ч хамтран ажиллах боломжтой файл хуваалцах хэрэгсэл болон гүүгл форм байв. Тус сургууль одоогийн байдлаар 90 мянган Гүүгл Аппс хэрэглэгчтэй. Мичиганы их сургуулийн төгсөгч Дэйв Жирауд Гүүгл Корпорацийн Бүтээгдэхүүн Удирдлагын дэд Ерөнхийлөгчөөр ажилладаг бөгөөд сургуульдаа анх санал болгожээ. Мичиганы их сургууль Гүүгл Боловсролын багцад шилжихээс өмнө нь 40хөн имэйл хаягтай сайсан бөгөөд одоо хичээлийн хөтөлбөртөө гүүгл календарыг өргөнөөр ашиглаж байна.  

                                                                     

                                                                         Эйбилины Их сургууль

"Анх Гүүгл Боловсролын багцын тухай сонсоод итгэхэд бэрх, дэндүү гайхалтай санагдаж байлаа. Харин одоо сонголтондоо сэтгэл хангалуун байна"

                                                              Эйбилины Их сургуулийн
                                                  Техникийн албаны дарга Робертс

   Эйбилины их сургууль нь 1906 онд байгуулагдсан АНУ-ын эртний сургуулиудын нэг юм. Тус их сургуульд АНУын бүх муж төдийгүй гадаадын 60 орны оюутнууд 50 гаруй мэргэжлээр суралцдаг.

Сургуулийн ашиглаж байгаа имэйл үйлчилгээний өртөг өндөр төдийгүй багтаамж нь хэдийнэ дүүрч шинэчлэх шаардлагатай болсон тэр үед сургуулийн техникийн албаны дарга Робертс хэд хэдэн имэйл сервэр туршиж үзсэний эцэст Гүүгл Боловсролын онлайн багцыг сонгосон байна. Тэрээр “Туршилтын хугацаанд манай багийнханд маш их таалагдсан. Ашиглахад хялбар төдийгүй кампус даяар хэрэглэхэд тохиромжтой санагдсан. Анх Гүүгл Боловсролын багцын тухай сонсоод итгэхэд бэрх, дэндүү гайхалтай санагдаж байлаа. Харин одоо сонголтондоо сэтгэл хангалуун байна” хэмээн ярьсан байна. Эйбилины их сургуулийн хэмжээнд 40 мянган Гүүгл Аппс хэрэглэгчтэй бөгөөд Google Drive-г сургалтандаа голчлон ашигладаг. Судалгаагаар багш нарын сэтгэл ханамж өндөр гарсан бөгөөд оюутан багш хоёрын хамтын ажиллагааг нэмэгдүүлж цаг хэмнээд зогсохгүй даалгавар, дипломын ажлын үер их хэмжээний цаасанд дарагддаг байдлыг багасгасан ажээ. 

Боловсролын Тойм мэдээ 1

Сургалтын шинэ чиг хандлага – Нээлттэй боловсрол

Нээлттэй Боловсрол” гэж юу вэ? Нээлттэй Боловсролын тухай ойлголт нь 1990-ээд онд Массачутесийн Технологийн Их сургуулийн нээлттэй сургалтад бүх нийтийг хамруулах санаачлагаас үүсчээ. Улмаар боловсролын нээлттэй нөөцийн хэрэглээг дэмжих сургуулиудын тоо эрс нэмэгдснээр, 2007 онд Кэйптауны нээлттэй боловсролын тунхаг батлагдсан билээ. Тунхгаар Нээлттэй Боловсролыг бүх нийтийн хэрэглээ болгон дэлгэрүүлж, улмаар багш нарын ур чадварыг дээшлүүлэхийн тулд технологийн хөгжлийг ашиглахыг уриалжээ. 2012 онд ЮНЕСКО-гоос “Боловсролын нээлттэй нөөц” дэлхийн чуулганыг зохион байгуулж, тунхаг гаргасан бөгөөд уг тунхагт “Боловсролын нээлттэй нөөцийг төрийн санхүүжилтээр дэмжихийг дэлхийн улс орнуудад уриалж, ард түмний татварын мөнгөөр санхүүжиж бүтээгдсэн аливаа оюуны өмч нь тухай улсынхаа оюуны нээлттэй хамтын өмч байх үзэл санааг зөвлөмж болгосон юм. Дэлхийн улс орнуудад өрнөж буй нээлттэй мэдлэг, боловсролын санаачлагын том давлагаа ашиглаж, бид суралцаж, бүтээдэг үндэстэн байхын тулд бүх нийтийн, насан туршийн боловсролын үндэсний тогтолцоог бий болгож, эрчтэй хөгжүүлэх чухал үед байна. Технологийн дэвшилд суурилсан энэхүү давалгааг олон нийтэд түгээн дэлгэрүүлэх, хэрэглээнд нэвтрүүлэх ажлыг НЭГ Монгол төслөөс санаачилж, гадаад, дотоодын их дээд, ерөнхий боловсролын сургуулиуд, мэргэжлийн болон албан бус сургалтын хичээлүүдээс сонгож, олон нийтэд нээлттэйгээр тавихаар ажиллаж байна. Эхний шатанд ерөнхий боловсролын сургуулиуд, албан бус сургалтын хичээлүүдээс сонгож, 150 гаруй видео хичээлийг үнэ төлбөргүйгээр, нээлттэй лицензтэйгээр интернэтэд байршуулаад байна. Бид суралцаж, бүтээдэг үндэстэн байхын тулд бүх нийтийн, насан туршийн боловсролын үндэсний тогтолцоог бий болгож, эрчтэй хөгжүүлэх чухал үед байна.  Нээлттэй мэдлэг, боловсрол нь оролцогч бүх талуудын нээлттэй хамтын ажиллагааны үр дүн учир та бүхэн www.one.mn сайтад нэгдэж, видео хичээлүүдээ байршуулаарай.Дэлгэрэнгүй Хан Академи Хүний анхаарал төвлөрөх хамгийн дээд хугацаа хэдэн минут байдгийг та мэдэх үү? Эрдэмтэд маш олон туршилт хийсний дүнд хүний анхаарал дээд тал нь 15 минут л тогтвортой төвлөрч чаддагийг баталжээ. Сурагчид хичээлийнхээ зөвхөн эхний хэсгийг л сайн ойлгоод байдаг нь үүнтэй холбоотой ажээ. Тиймээс “Хан Академи”-ийн үүсгэн байгуулагч Салман Хан ямар ч хичээлийг 15 минутад багтаан ойлгуулж болох хялбар аргыг олж түгээх санааг гаргасан байна. Мэдээж, 90 минутын хичээлийг 15-хан минутад багцлан ойлгуулна гэдэг бол амар ажил биш. Гэвч, энэ нь орчин үед хамгийн оновчтой арга болоод буй юм. “Хан Академи” энэ зарчимд үндэслэн хэдхэн минутад багтаан хамгийн цэгцтэй, зөв мэдээллийг өгч болох арга замыг нээн, цахим сайтдаа 4 мянга гаруй хичээл, 100 мянга гаруй дасгал ажлыг тавьжээ. Улмаар 24 орны хэл дээр үзэж болохоор хялбарчилсан тул нээлттэй боловсролыг эрэлхийлж буй хэн бүхний амин хэрэгцээ болж чадсан байна. Сүүлийн үеийн шинэчлэгдсэн судалгаагаар жилд 10 сая хүн тус сайтын хичээлүүдийг байнга үздэг, сард таван сая хүн 25 сая хичээл судалж байна гэсэн дүн гарчээ. Энэхүү цахим хичээлийг манай улс ч өөрийн орны хэл рүү орчуулах ажлыг хэдийнээ эхлүүлээд байгаа билээ. Дэлгэрэнгүй Гүүгл Боловсролын багц Дэлхийн шилдэг 100 сургуулийн 75 нь Гүүгл Боловсролын багцыг хэрэглэдэг. Гүүгл Боловсролын багцыг 2006 онд нэвтрүүлсэн. 5 хүрэхгүй жилийн хугацаанд 15 сая хэрэглэгчтэй болж чадсан хүчирхэг хэрэгсэл юм. 2013 оны 8 сард гаргасан судалгаагаар 25 сая хүн Гүүгл Боловролын багцийг ашиглаж байгаа бөгөөд жилд 5 сая хүн шинээр бүртгүүлж байна. АНУ-ын Орегон мужын Ерөнхий боловсролын бүх сургууль өмнө нь ашиглаж байсан системийг бүр мөсөн халж, Гүүгл Боловсролын багцийг хэрэглэх болсон. Тус муж ашиглаж эхэлсэн цагаас хойш 1 жилд 1,5 сая ам.доллар хэмнэж байгаагаа мэдээлжээ. Түүний араас Вискогсн, Коларадо, Иова мужууд болон Нью Иорк хотын дунд сургуулиуд хэрэглэж эхлээд байна. Малайз улс нь Гүүгл сургалтын багцыг бүх Ерөнхий боловсролын сургуулиуддаа бүрэн нэвтрүүлсэн хамгийн анхны улс юм. Дэлгэрэнгүй Гүүгл Боловсролын багцын хэрэглээний тархалт Wikispaces “Wikispaces” бол манайд шинэ хэрэглээ юм. Өндөр хөгжилтэй орны багш, сурагчдын хувьд нэг төрлийн “цахим анги” болсон “Wikispaces”-ийн тухай энгийн ойлголтыг энд өгүүлье. 2005 оноос эхэлсэн уг флатформ нь багшийн хичээлээ заах арга барил, сурагчдын мэдлэг олж авах боломжийг илүү сайжруулж, цоо шинэ сургалтын орчин үүсгэж чадсан чухал хэрэгсэл юм. “Нээлттэй боловсрол”-ын хэрэглээнд өргөнөөр ашигладаг Гүүгл корпорацийн Боловсролын цахим хэрэглэгдэхүүнүүдтэй маш сайн зохицон ажилладаг нь ч энэ системийн нэг давуу тал. “Wikispaces” нь багш, суралцагсдад зориулсан үндсэн хоёр хэсэгтэйгээс гадна бизнесийн зорилгоор ашиглах хүмүүст зориулсан тусгай багцтай. Манай улсад “Wikispaces”-ыг багш нар ажлынхаа хүрээнд өргөн ашиглаж байна.Тухайлбал, БШУЯ-ны санаачилгаар МУБИС-тай хамтран долдугаар ангийн “Дэлхийн түүх” номд зориулан багш нарын вики үүсгэн ажиллаж байгаа юм. Дэлхий даяар дунд сургуулийн сургалтад зориулсан 100 мянга гаруй вики, их дээд сургуульд зориулсан 200 мянган вики байдаг гэсэн тоо бий. Өнөөгийн байдлаар 2.3 сая хүн Wikispaces ашиглан сурч мэдсэн зүйлсээ бусадтайгаа хуваалцаж, бүтээл туурвилаа нийтэд түгээж байна. Дэлгэрэнгүй Creative Commons буюу Бүтээлч Оюуны хамтын өмч Шинэ ном бүтээл, сурах бичиг, судалгаа шинжилгээний ажлуудыг олж унших нь хуучин цагийг бодвол хялбар болжээ. Та онлайн хэрэглэгч байхад эдгээрийг төвөггүй олж болно. Тэгээд ч Зохиогчийн эрхийн хуулийг хөндөх тухай асуудалгүй болж эхэлж байна. Учир нь “Нээлттэй боловсрол”-ын хүрээнд аливаа ном бүтээлүүд зохиогчийн эрхийн хуульд нийцсэн тийм нөхцөлөөр тавигдаж байгаа юм. Зохиогчийн эрхийн асуудал бол интернэт сүлжээ үүсэхээс өмнө бий болсон. Тэгэхээр интернэт сүлжээнд ном бүтээлийг зохиогчийн эрхтэйгээр хэрхэн байршуулах вэ, тухайн бүтээлийг ашиглах, эшлэх, эх сурвалжийг засварлах, нийтлэх явдалд ямар эрхзүйн шаардлага тавих вэ зэргийг шийдвэрлэдэг тохиромжтой хэлбэрийг оюуны бүтээлч хамтын тогтолцоо буюу СС (Creative Commons) зөвшөөрөл гэж үздэг. Дэлхий даяар оюуны бүтээлч хамтын тогтолцооны CC зөвшөөрлийг дэмжиж, хөгжүүлэн ажиллаж буй "Creative Commons" байгууллагын 100 гаруй салбар, 70 гаруй орон бий. 2002 оны 12 -р сард оюуны бүтээлч хамтын тогтолцооны (CC) эхний хувилбар олон нийтэд хүрсэн байдаг. Өдгөө түүнийг 50 гаруй улс тогтмол хэрэглэж байна. CC зөвшөөрлийг 2005 оноос шинжлэх ухааны салбарт ашиглах болсон бол 2007 оноос боловсролын салбарт ашиглаж эхэлсэн юм. CC лиценз 2003 онд 1 сая бүтээлд ашиглагдсан бол 2004 онд 4.7 сая, 2005 онд 20 сая, 2006 онд 50 сая, 2007 онд 90 сая, 2008 онд 130 сая, 2009 онд 350 сая, 2011 онд 400 сая, 2013 онд 480 сая болж, тогтмол нэмэгдсээр байна. Дэлгэрэнгүй

	Харилцах хаяг:
	Утас: 329688 Имэйл: project@one.mn http://www.one.mn Twitter: ONEMongolia Google+: ONEMongolia Facebook: ONEMongolia		НЭГ МОНГОЛ ТӨСӨЛ

Гүүгл Боловсролын багцын хэрэглээний тархац

“Нээлттэй Боловсрол” гэж юу вэ?

Энэ тухай ойлголт 1990-ээд онд анх бий болсон юм. Тодруулбал, Массачутесийн Технологийн Их сургууль бүх нийтийг хамруулах зорилгоор санаачилж байв. Яваандаа энэхүү Боловсролын Нээлттэй эхийг дэмжих сургуулиудын тоо эрс нэмэгдсээр, 2007 онд “Кэйптауны нээлттэй боловсролын тунхаг”-ийг баталсан билээ. Тэрхүү тунхгийн гол зорилго нь Нээлттэй Боловсролыг бүх нийтийн хэрэглээ болгон дэлгэрүүлэх, улмаар багш нарын ур чадварыг дээшлүүлэхийн тулд технологийн хөгжлийг ашиглах явдал болсон юм. Өнөө жилийн байдлаар энэ тунхагт 2400 гаруй эрдэмтэн багш, 250 боловсролын байгууллага нэгдээд байна. Технологийн дэвшилд суурилсан энэхүү хандлагыг нийтэд түгээн дэлгэрүүлэх, боловсролын салбарыг хамруулах ажлыг “НЭГ Академи” төсөл хэрэгжүүлж байгаа билээ. Төслийн хүрээнд гадаад, дотоодын их дээд, ерөнхий боловсролын сургуулиуд, мэргэжлийн болон албан бус сургалтын хичээлүүдээс сонгож, олон нийтэд нээлттэйгээр тавих юм. Бид эхний шатанд ерөнхий боловсролын сургуулиуд, албан бус сургалтын хичээлүүдээс сонгож, 150 гаруй видео хичээлийг үнэ төлбөргүй, зохиогчийн эрхийн лицензтэйгээр цахим орчинд байршуулаад байна. “Нээлттэй Боловсрол”, онлайн сургалт гэж яг юу вэ гэдгийг эрчимтэй сурталчилж, бүх талын хамтын ажиллагааг хөгжүүлж байгаа “Нэг Академи” төслийн ажилд та бүхэн нэгдэж, дэлхийн боловсролын дэвшлээс бүү хоцроорой. ДЭЛГЭРЭНГҮЙ

Хан Академи

Хүний анхаарал төвлөрөх хамгийн дээд хугацаа хэдэн минут байдгийг та мэдэх үү? Эрдэмтэд маш олон туршилт хийсний дүнд хүний анхаарал дээд тал нь 15 минут л тогтвортой төвлөрч чаддагийг баталжээ. Сурагчид хичээлийнхээ зөвхөн эхний хэсгийг л сайн ойлгоод байдаг нь үүнтэй холбоотой ажээ.

Тиймээс “Хан Академи”-ийн үүсгэн байгуулагч Салман Хан ямар ч хичээлийг 15 минутад багтаан ойлгуулж болох хялбар аргыг олж түгээх санааг гаргасан байна. Мэдээж, 90 минутын хичээлийг 15-хан минутад багцлан ойлгуулна гэдэг бол амар ажил биш. Гэвч, энэ нь орчин үед хамгийн оновчтой арга болоод буй юм. “Хан Академи” энэ зарчимд үндэслэн хэдхэн минутад багтаан хамгийн цэгцтэй, зөв мэдээллийг өгч болох арга замыг нээн, цахим сайтдаа 4000 гаруй хичээл, 100000 гаруй дасгал ажлыг тавьжээ. Улмаар 24 орны хэл дээр үзэж болохоор хялбарчилсан тул нээлттэй боловсролыг эрэлхийлж буй хэн бүхний амин хэрэгцээ болж чадсан байна. Сүүлийн үеийн шинэчлэгдсэн судалгаагаар жилд 10 сая хүн тус сайтын хичээлүүдийг байнга үздэг, сард таван сая хүн 25 сая хичээл судалж байна гэсэн дүн гарчээ. Энэхүү цахим хичээлийг манай улс ч өөрийн орны хэл рүү орчуулах ажлыг хэдийнээ эхлүүлээд байгаа билээ. Дэлгэрэнгүй

Wikispaces

“Wikispaces” бол манайд шинэ хэрэглээ юм. Өндөр хөгжилтэй орны багш, сурагчдын хувьд нэг төрлийн “цахим анги” болсон “Wikispaces”-ийн тухай энгийн ойлголтыг энд өгүүлье.

2005 оноос эхэлсэн уг флатформ нь багшийн хичээлээ заах арга барил, сурагчдын мэдлэг олж авах боломжийг илүү сайжруулж, цоо шинэ сургалтын орчин үүсгэж чадсан чухал хэрэгсэл юм. “Нээлттэй боловсрол”-ын хэрэглээнд өргөнөөр ашигладаг Гүүгл корпорацийн Боловсролын цахим хэрэглэгдэхүүнүүдтэй маш сайн зохицон ажилладаг нь ч энэ системийн нэг давуу тал. “Wikispaces” нь багш, суралцагсдад зориулсан үндсэн хоёр хэсэгтэйгээс гадна бизнесийн зорилгоор ашиглах хүмүүст зориулсан тусгай багцтай.

Манай улсад “Wikispaces”-ыг багш нар ажлынхаа хүрээнд өргөн ашиглаж байна.Тухайлбал, БШУЯ-ны санаачилгаар МУБИС-тай хамтран долдугаар ангийн “Дэлхийн түүх” номд зориулан багш нарын вики үүсгэн ажиллаж байгаа юм. Дэлхий даяар дунд сургуулийн сургалтад зориулсан 100 мянга гаруй вики, их дээд сургуульд зориулсан 200 мянган вики байдаг гэсэн тоо бий. Өнөөгийн байдлаар 2.3 сая хүн Wikispaces ашиглан сурч мэдсэн зүйлсээ бусадтайгаа хуваалцаж, бүтээл туурвилаа нийтэд түгээж байна. 

Wikispaces ашиглах заавар 1 Шинэ бүртгэл үүсгэж Вики нээх
Wikispaces ашиглах заавар 2 Товчнуудын хэрэглээ ба Вики засварлах

Гүүгл Боловсролын багц

Дэлхийн шилдэг 100 сургуулийн 75 нь Гүүгл Боловсролын багцыг хэрэглэдэг.

Гүүгл Боловсролын багцыг 2006 онд нэвтрүүлсэн. Гэсэн хэдийг ч 5 хүрэхгүй жилийн хугацаанд 15 сая хэрэглэгчтэй болж чадсан хүчирхэг хэрэгсэл юм. 2013 оны 8 сард гаргасан судалгаагаар 25 сая хүн Гүүгл Боловролын багцийг ашиглаж байгаа бөгөөд жилд 5 сая хүн шинээр бүртгүүлж байна. АНУ-ын Орегон мужын Ерөнхий боловсролын бүх сургууль өмнө нь ашиглаж байсан системийг бүр мөсөн халж Гүүгл Боловсролын багцийг хэрэглэх болсон. Тус муж ашиглаж эхэлсэн цагаас хойш 1 жилд 1,5 сая ам.доллар хэмнэж байгаагаа мэдээлжээ. Түүний араас Вискогсн, Коларадо, Иова мужууд болон Нью Иорк хотын дунд сургуулиуд хэрэглэх эхлээд байна. Түүнчлэн Малайз улс бүх Ерөнхий боловсролын сургуулиуддаа Гүүгл Боловсролын багцийг ашиглаж байгаа анхны улс боллоо. Дэлгэрэнгүй

Creative Commons буюу Оюуны бүтээлч Хамтын Өмч

Шинэ ном бүтээл, сурах бичиг, судалгаа шинжилгээний ажлуудыг олж унших нь хуучин цагийг бодвол хялбар болжээ. Та онлайн хэрэглэгч байхад эдгээрийг төвөггүй олж болно. Тэгээд ч Зохиогчийн эрхийн хуулийг хөндөх тухай асуудалгүй болж эхэлж байна. Учир нь “Нээлттэй боловсрол”-ын хүрээнд аливаа ном бүтээлүүд зохиогчийн эрхийн хуульд нийцсэн тийм нөхцөлөөр тавигдаж байгаа юм. Зохиогчийн эрхийн асуудал бол интернэт сүлжээ үүсэхээс өмнө бий болсон. Тэгэхээр интернэт сүлжээнд ном бүтээлийг зохиогчийн эрхтэйгээр хэрхэн байршуулах вэ, тухайн бүтээлийг ашиглах, эшлэх, эх сурвалжийг засварлах, нийтлэх явдалд ямар эрхзүйн шаардлага тавих вэ зэргийг шийдвэрлэдэг тохиромжтой хэлбэрийг оюуны бүтээлч хамтын тогтолцоо буюу СС (Creative Commons) зөвшөөрөл гэж үздэг.

       Дэлхий даяар оюуны бүтээлч хамтын тогтолцооны CC зөвшөөрлийг дэмжиж, хөгжүүлэн ажиллаж буй "Creative Commons" байгууллагын 100 гаруй салбар, 70 гаруй орон бий. 2002 оны 12 -р сард оюуны бүтээлч хамтын тогтолцооны (CC) эхний хувилбар олон нийтэд хүрсэн байдаг. Өдгөө түүнийг 50 гаруй улс тогтмол хэрэглэж байна. CC зөвшөөрлийг 2005 оноос шинжлэх ухааны салбарт ашиглах болсон бол 2007 оноос боловсролын салбарт ашиглаж эхэлсэн юм. CC лиценз 2003 онд 1 сая бүтээлд ашиглагдсан бол 2004 онд 4.7 сая, 2005 онд 20 сая, 2006 онд 50 сая, 2007 онд 90 сая, 2008 онд 130 сая, 2009 онд 350 сая, 2011 онд 400 сая болж, тогтмол нэмэгдсээр байна. Дэлгэрэнгүй